கம்ப்யூட்டர் குறித்த உயர் நுட்பப் பயிற்சி வகுப்பு (பாகம் 9)

(இதைப்படித்து விட்டு இங்கு வரவும் (எனது தயாரிப்புகள் குறித்த விளக்க உரைகள்)

நான் நடத்திவந்த கம்ப்யூட்டர் குறித்த உயர் நுட்பப் பயிற்சி வகுப்பு பற்றிய விளம்பரம் (தினமலர் பத்திரிக்கையில் ஜனவரி 1, 1996 ல் வந்தது.) (VIjayan Vijay Computers, Usilampatti, Vijay Anti Virus)

பெங்களூர், சென்னை, மதுரை, தஞ்சாவூர், நாகர் கோவில், திருநெல்வேலி ஊர்களில் இருந்து மாணவர்கள் வந்து உசிலம்பட்டி கிராமத்தில் தங்கிப் படித்தனர்.

தொடர்ச்சி இங்கே (K7 கம்ப்யூட்டிங் நிறுவனத்தில் வேலை)

எனது தயாரிப்புகள் குறித்த விளக்க உரைகள் (பாகம் 8)

எனது தயாரிப்புகள் குறித்த விளக்க உரைகள்.(VIjayan Vijay Computers, Usilampatti, Vijay Anti Virus)

(இதைப்படித்து விட்டு இங்கு வரவும் (பத்திரிக்கை உலகுக்கு அறிமுகம்)

தொடர்ச்சி இங்கே கம்ப்யூட்டர் குறித்த உயர் நுட்பப் பயிற்சி வகுப்பு

பத்திரிக்கை உலகுக்கு அறிமுகம் (பாகம் 7)

(இதைப்படித்து விட்டு இங்கு வரவும் ( எனது VAV மற்றும் VVN வைரஸ் நீக்கிகள் )<


1992 லிருந்து 1994 வரைக்கும் உசிலம்பட்டியில் ஓரளவுக்கு கம்ப்யூட்டர் பிரபலமாகி பள்ளிகள் மற்றும் வணிகத்தலங்களில் உபயோகிக்க ஆரம்பித்ததில் முழுப்பங்கும் என்னுடையதுதான். பள்ளிகள், கல்லூரிகள் மற்றும் பிஸ்க்கெட் உற்பத்தி கம்பெனிகளுக்கு சென்று கணனி உபயோகத்தை சொல்லி சொல்லி வாங்க வைத்து விட்டேன். V.K.S பிஸ்க்கெட், பெரீஸ் பிஸ்க்கெட், கண் மார்க் ஊறுகாய், ஆர்.சந்திரபோஸ் உரக்கடை, S.D.A ஆங்கிலப்பள்ளி, நாடார் சரஸ்வதி மேல்நிலைப்பள்ளி, T.E.L.C பெண்கள் மேல்நிலைப்பள்ளி ஆகிய இடங்களில் முழு அளவில் கம்ப்யூட்டரை உபயோகிக்க ஆரம்பித்துவிட்டனர். அந்த காலகட்டத்தில் கம்ப்யூட்டரை முழுஅளவில் உபயோகித்து உசிலம்பட்டி மட்டுமே, இது வெளியில் தெரியாத ஒரு சாதனை ஆகும்.

அந்த கால கட்டத்தில் தமிழ் கம்ப்யூட்டர் என்றொரு பத்திரிக்கை பிரபலமாக இருந்தது. அந்த பத்திரிக்கையின் ஆசிரியருக்கு என்னைப்பற்றியும் எனது கணணி பயிலகததையும் பற்றிய குறிப்பு எழுதி அனுப்பியிருந்தேன், அதைக்கன்டு ஆச்சரியப்பட்ட அந்த பத்திரிக்கையின் ஆசிரியர் திரு ஜெயகிருஷ்னன் அவர்கள் என்னை சென்னைக்கு வரும்பொழுது சந்திக்கச்சொன்னார். சந்தித்தேன். அதே பத்திரிக்கையில் தன்னார்வ எழுத்தாளராக இருந்த டாக்டர் சி.சந்திரபோஸ் அவர்கள் என்னைப்பற்றிய கட்டுரை எழுதினார், தமிழ் கம்ப்யூட்டர் இதழில் வந்த இந்த கட்டுரை என்னை தமிழ்நாடு அளவில் பிரபலமாக்கியது. என்னை உசிலம்ப்பட்டியிலிருந்து வெளிஉலகத்துக்கு கொன்டுவந்தது திரு ஜெயகிருஷ்னன் சார் மற்றும் டாக்டர் சி.சந்திரபோஸ் சார் இவர்களே. இவர்களால்தான் நான் ஜப்பான் மற்றும் அமெரிக்காவந்து பணியாற்றி எனது திறமைகளை காட்டலாயிற்று.

அதன் தொடர்ச்சியாக தமிழ் கம்ப்யூட்டர் பத்திரிக்கையில் நிறைய கட்டுரைகள் எழுதினேன். கம்ப்யூட்ட்ரைல் மிக உயர் நுட்ப்பங்களைப்பற்றி, வைரஸ்கள் குறித்து நான் எழுதிய கட்டுரைகள் மிகவும் ப்ரபலமானது அதன் வாயிலாக நானும் பிரபலமானேன்.

தமிழ்நாடு முழுதுமிருந்து வாசகர்கள் மானவ மானவிகள் கடிதம் எழுதினார்கள். சந்தேகம், நிவர்த்தி என்று வாசகர்கள் வட்டம் பெருகலாயிற்று. மானவ மானவிகள், வாசகர்களின் பாசம் நிறைந்த கடிதங்களை இன்னும் பொக்கிஷமாக பாதுகாத்து வைத்திருக்கின்றேன்.

[தமிழ் கம்ப்யூட்டர் இதழில் வந்த கட்டுரை]


தொடர்ச்சி இங்கே எனது தயாரிப்புகள் குறித்த விளக்க உரைகள்

எனது VAV மற்றும் VVN வைரஸ் நீக்கிகள் (பாகம் 6)

(இதைப்படித்து விட்டு இங்கு வரவும் ( வைரஸுடனான முதல் அனுபவம் )

அதன் பிறகு வைரஸ் வேட்டையாடத்துவங்கினேன், கிடைக்கும் வைரஸ்களை எல்லாம் ஆராய்ந்து அதை நீக்கும் நிரல்களை எனது வைரஸ் நீக்கியில் சேர்த்துக்கொன்டிருந்தேன். அந்த வைரஸ் நீக்கும் மென்பொருளுக்கு VAV (Vijay Anti Virus) என்று பெயரிட்டு இருந்தேன், எனது மாணவர்களும் பெயர் நன்றாக இருக்கின்றது என்று சொன்னார்கள். ஆரம்பகாலங்களில் அதை விற்பனை செய்யவில்லை, அதை எனது பள்ளி மாணவர்களுக்கான மென்பொருட்களுடன் இலவசமாக கொடுத்துக்கொன்டிருந்தேன். ஒருமுறை மிகவும் மோசமான விளைவுகளை கணணியில் ஏற்படுத்தும் வகையான வைரஸ் ஒன்று அதிவேகமாக தென்தமிழ் நாட்டில்பரவியது. அதன் பெயர் ஒன்‍ஆஃப் என்பதாகும் (one half virus) ஒண்ணரை வைரஸ் ஒரு கணணியில் இருக்கின்றதா என்று கன்டுபிடிப்பதே மிகவும் கடினமாகும். பைல், பூட்‍செக்டார்பகுதிகளை த்தாக்கும், உருவத்தை மாற்றிக்கொன்டேயிருக்கும், இயக்கத்தில் இருக்கும்பொழுது கன்டுபிடிக்க முடியாது, அதற்கு நிவாரணம் கன்டுபிடித்து அதை நீக்கும் நிரலை எனது வைரஸ்நீக்கியில் சேர்த்தபிறகுதான் VAV மிகவும் பிரபலமாகத்துவங்கியது. அந்தநேரத்தில் இந்தியாவில் ஒண்ணரை வைரஸுக்கு இருந்த ஒரே நிவாரணி VAV தான், குறுகிய காலத்துக்குள்ளே மள மள வென்று விற்றுத்தீர்ந்தது. கடைநிலை உபயோகிப்பாளர்களுக்கு விலை 750 ரூபாய் முகவர்களுக்கு 350 ரூபாய் என்று ஓடிக்கொன்டு இருந்தது.
அந்த நேரத்தில் பள்ளிமாணவர்களுக்கான புதிய மென்பொருள் தயாரிப்பதற்காக கிராபிக்ஸ் வேலை நிறைய செய்யவேன்டியிருந்தது. அப்பொழுது DOS உபயோகத்தில் தமிழ் தட்டச்சு செய்ய கனடா நாட்டிலிருந்து சீனிவாசன் என்பவர் தயாரித்திருந்த "திரு" என்ற மென்பொருளை உபயோகப்படுத்திக்கொன்டிருந்தோம். அதிலிருந்த தமிழ் எழுத்துக்களையெல்லாம் திரையிலி இருந்து எடுத்து கிராபிக்ஸ் படங்களாக மாற்றி, தமிழ் செய்திகளை திரையிலிடும்படியான நிரல் தயாரித்தேன்.

அதை அடிப்படையாகக்கொன்டு தமிழிலேயே ஒரு வைரஸ் நீக்கும் மென்பொருளை தயாரித்தேன். VVN (விஜய் வைரஸ் நீக்கி) என்ற பெயரில் வெளியிட்டேன். அது மிகவும் பிரபலமாகிவிட்டது. தமிழில் மென்பொருளே மிக மிக அரிதானதான அந்த காலகட்டத்தில் எனது தமிழிலேயான வைரஸ் நீக்கும் மென்பொருள் VVN மிகுந்த பிரபலமாகிவிட்டது. அதுதான் என்னை பின்நாளில் சென்னை கேசவன் கம்ப்யூட்டிங் நிறுவனர் கேசவன் என்றழைக்கப்படும் திரு கேசவர்த்தனன் அவர்களை சந்திக்கச்செய்தது. (K7computings, J.Kesavardhanan )

மதுரையில் "மைக்ரோபேஸ் கம்ப்யூட்டர்" மற்றும் "மெஷின் மேன் சிமுலேஷன்" (Microbase computers, and Machine man simulation, madurai) நிறுவணத்தை நடத்திக்கொன்டிருந்த திரு வெங்கடேஷ் என்பவர் கேசவன் கம்ப்யூட்டிங்(K7 computings) தயாரிப்பான VX2000 வைரஸ் நீக்கிக்கு ஏஜன்ட்டாக இருந்தார். அவர்தான் கேசவர்த்தனன் அவர்களிடம் என்னைப்பற்றி சோல்லியிருக்கின்றார். கேசவன் சந்திப்பு என் கணணிப்பாதையின் போக்கை மீன்டும் பெருத்த அளவில் மாற்றியது. அது குறித்து அடுத்து எழுதுகிறேன்.

கீழே VAV (Vijay Anti Virus) வைரஸ் நீக்கியின் பல்வேறு திரையின் படங்களை கொடுத்திருக்கின்றேன்.
படத்தினை க்ளிக்கி பெரிதாக பார்க்கவும்
VAV (Vijay Anit Virus)







அடுத்து வருவது VVN விஜய் வைரஸ் நீக்கி




தொடர்ச்சி இங்கே பத்திரிக்கை உலகுக்கு அறிமுகம்

வைரஸுடனான முதல் அனுபவம் (பாகம் 5)

(இதைப்படித்து விட்டு இங்கு வரவும் ( விஜய் கம்ப்யூட்டர்ஸ் உசிலம்பட்டி )

அன்று மாலை மீன்டும் முயற்சி செய்தேன், அப்பொழுதும் தயாரிக்கப்பட்ட இயங்குநிரல்கள் இயங்கவே இல்லை, மூல நிரலில் தவறா இல்லை பிளப்பி பழுதானதால் சரியான முறையில் இயங்கு நிரல் தயாரிக்கப்பட்வில்லையா என்று குழம்பி மன்டையை பிய்த்துக்கொன்டேன்.

அப்பொழுது என்னிடம் ஒரே ஒரு கணணிதான் இருந்தது அதிலும் ஹர்ட்‍‍‍டிஸ்க் கிடையாது இரண்டு 360‍K டிரைவ்கள் மட்டும்தான். நிரல்களை தயார் செய்ய டர்போ பேசிக் மற்றும் டர்போ பாஸ்கல் உபயோகித்துக்கொன்டிருந்தேன்.முந்தய தினத்தில் வேறொரு பள்ளிக்காக தயாரித்து வைத்திருந்த நிரல்களை இயக்கிப்பார்த்தேன், முதல் நாள் நன்றாக இயங்கிக்கொன்டிருந்த நிரல்கள் இன்று இயங்கவில்லை. உடனே எனக்கு சந்தேகம் வந்துவிட்டது ஏதேனும் வைரஸ் வேலையாக இருக்குமோன்னு. உடனே நாஷ்ஹாட், மெகாஃபி போன்ற வைரஸ் நீக்கிகளை இயக்கிப்பார்த்தேன் அதுவும் வைரஸ் இல்லை என்று சொல்லியது. என்னட இது மதுரைக்குவந்த சோதனைன்னு நொந்து போயிட்டேன். மறுநாள் அந்த பள்ளிக்கு சென்று செய்முறைவிளக்கம் கான்பிக்கும் பட்சத்தில் நாலாயிரத்து ஐநூறு ரூபாய்கள் கிடைக்கும். நாளை விட்டுவிட்டால் அந்த பள்ளியின் தாளாளரிடம் மீன்டும் அனுமதி வாங்குவது குதிரைக்கொம்புதான். ஆனால் இருக்கும் சூழ்நிலையில் முடியாது போல தோன்றியது.

சரி புதிதாக ஒரு பிளாப்பியை பார்மட் செய்து அதில் இயங்கு நிரல்களை தயார் செய்யலாம் என்று நினைத்து டாஸ் பிளாப்பியைப்போட்டு பார்மட் கட்டளை கொடுத்தேன், கணணி இயங்காமல் நின்றுவிட்டது. பூட்டிங் டிஸ்க் வைத்து மறுபடியும் கணணியை ஆரம்பித்தேன் பிறகு எனது மாணவர்களில் ஒருவரை அழைத்து அங்கிருக்கும் பிளாப்பிகள் அனைத்தையும் வைரஸ் சோதனை செய்யுமாறு கேட்டேன். மெகாஃபி வைரஸ் நீக்கியானது அனைத்து பிளாப்பிகளும் "நியூபக்" (newbug) என்னும் வைரஸால் பாதிக்கப்பட்டிருப்பதாக சொல்லியது. எனக்கு மீன்டும் குழப்பமாகி விட்டது என்னடா இப்பதான் வைரஸ் சோதனை செய்தோம் இல்லைன்னு சொல்லுச்சு கொஞ்சநேரம் கழித்து வைரஸ் இருக்குன்னு சொல்லுதேன்னு யோசித்தேன்.

உடனே எனக்குள் பொறிதட்டியது. ஆகா இந்த வைரஸ் ஆனது கணணியில் இயங்கிக்கொன்டிருக்கும்போது கன்டுபிடிக்க முடியவில்லை அது கன்டுபிடிப்பதிலிருந்து தப்பித்து விடுகிறது அதாவது வைரஸ் நீக்கியை ஏமாற்றிவிடுகிறது. எனவேதான் நான் வைரஸ் பாதிக்காத பிளாப்பியின் மூலம் கணணியை ஆரம்பித்த பிறகு வைரஸ் இயங்காத காரணத்தால் அந்தவைரஸ் நீக்கியால் கன்டுபிடிக்க முடிகிறது. உடனே சோதனை செய்தேன், உபயோகத்தில் இருக்கும் பூட்டிங் ‍பிளாப்பி மூலம் கணணியை ஆரம்பித்து மெகாஃபி மூலம் வைரஸ் சோதனை செய்தேன் வைரஸே இல்லைன்னு அடித்துச்சொல்லியது. பிறகு பத்திரப்படுத்தப்பட்ட (வைரஸ் இல்லாத) டிஸ்கின்மூலம் கணணியை ஆரம்பித்து மீன்டும் வைரஸ் சோதனை செய்தால் வைரஸ் வைரஸ் என்று கத்தியது. (வைரஸ் இல்லாத) டிஸ்கின்மூலம் கணணியை ஆரம்பித்து, பள்ளிக்கக தயார் செய்து வைத்திருந்த நிரல்களை இயக்கிப்பார்த்தேன். வெற்றிகரமாக இயங்கியது அப்பாடான்னு பெருமூச்சுவிட்டேன்.

சரி ஒரு பிரச்சினை விட்டது நாளைக்கு செய்முறை விளக்கம் காட்டிவிடலாம். ஆனால் மெகாஃபி வைரஸ் நீக்கி இந்த வைரஸை நீக்கவில்லை, இருக்குன்னு மட்டும் சொல்லுது. இந்த வைரஸை எப்படி நீக்குவது

எப்படி வைரஸானது இயக்கத்தில் இருக்கும்பொழுது வைரஸ்நீக்கியால் அதை கன்டுபிடிக்க முடியவில்லை? மிகுந்த ஆர்வத்தில் அதை உடனே ஆராய்வது என்று முடிவு செய்தேன். மெகாஃபி வைரஸ்நீக்கி அதை பூட் செக்டார் வைரஸ் என்றுதான் சொன்னது

முதலில் அது ஃபைல் வைரஸில்லை என்று உறுதி செய்ய நினைத்தேன். முன்பு ஒருமுறை கணணியில் "Dark aventure" என்ற வைரஸ் வந்தபொழுது பாதிக்கப்பட்ட ஃபைல்களின் அளவு பெரிதாக்கப்பட்டிருந்தது. முதலில் வைரஸால் பாதிக்கப்பட்ட பிளாப்பிமூலம் கணணியை ஆரம்பித்து வைரஸை இயக்கத்தில் இருக்குமாறு செய்துவிட்டு. வைரஸ் பாதித்த பிளாப்பியில் உள்ள இயங்கு நிரல்ஃபைல்களின் அளவுகளை குறித்துக்கொன்டேன். பிறகு வைரஸ் இல்லாத பிளப்பி மூலம் கணணியை ஆரம்பித்துவிட்டு மீன்டும் வைரஸ் பாதித்த பிளாப்பியில் உள்ள இயங்கு நிரல்ஃபைல்களின் அளவுகளை ஒப்பிட்டு ப்பார்த்து இரண்டும் ஒரே அளவினதாக இருக்கவே இது ஃபைல் வகை வைரஸ் இல்லைஎன்று முடிவுக்கு வந்தேன்.

அடுத்து பூட் செக்டார் பகுதியை சோதனை செய்யலாம் என்று நினைத்தேன். வைரஸ் உள்ள மற்றும் இல்லாத டிஸ்குகளின் பூட் செக்டார் பகுதியை படித்து இரண்டுக்கும் உள்ள வித்தியாசத்தை பார்க்க திட்டமிட்டேன். சரி பூட் செக்டார் பகுதியை எப்படி படிப்பது என்று அடுத்து பிரச்சினை வந்தது. டிஸ்கில் உள்ள ஒரு பைலை படிப்பது சுலபம் அதற்கென க்ட்டளைகள் உள்ளன, அதன் மூலம் திறந்து, படித்து, எழுதி மற்றும் மூடலாம். ஆனா பூட்‍செக்டாரை படிக்க எந்த கட்டளையும் இல்லை.

BDPS பயிலகத்தில் படிக்கும்பொழுது GWBASIC என்ற மொழியில் Basic நிரலாக்கம் பயின்று கொன்டிருந்தேன், அப்பொழுது GWBASIC இல் உள்ள அனைத்து கட்டளைகளையும் படித்து செயற்படுத்தி பார்த்துக்கொன்டிருப்பேன்.
அதில் உள்ள DEFSEG , CALL, PEEK மற்றும் POKE கட்டளைகள் எதுக்குன்னே புரியலை அவைகள் எல்லாம் சற்று உயர் நுட்பத்துக்கனவை மற்றும் அசெம்பிளி( ASSEMBLY language ) மொழி சம்பத்தப்பட்டவை என்று தெரிந்தது உடனே அசெம்பிளிமொழி பற்றிய புத்தகங்கள் வாங்கி படித்தேன்.

1). பீட்டர் நார்டன் ( Peter Norton ) அவர்கள் எழுதிய Assembly Language Book for the IBM PC

2). பீட்டர் ஏபெல்(Peter Abel ) அவர்கள் எழுதிய Assembly Language and Programming

.இவை இரண்டும் நான் வாங்கிப்படித்த புத்தகங்கள்.
அதன் மூலம் அசெம்பிளிமொழி கற்று அதை GWBASIC இல் இயக்கிப்பர்த்தேன் ஒன்றும் சுவாரசியமாக இல்லாமல் போகவே அதை அப்பொழுதே விட்டுவிட்டேன். அது மீன்டும் சுவாரசியமாக்கும் தருனம் வந்துவிட்டது.

ஆமாம், கணணி உயர் நுட்பப் பிதா மகன் பீட்டர் நார்டன் ( Peter Norton ) அவர்கள் எழுதிய Assembly Language Book for the IBM PC ..என்ற புத்தகத்தில் பூட்செக்ட்டாரை அசெம்பிளி மொழி பயன்படுத்தி, எப்படிப்படிப்பது என்று விளக்கப்பட்டிருந்தது. அதை வழியாகக்கொன்டு ஒரு நிரலை GWBASIC மூலம் எழுதி இயக்கி பூட்செக்டாரை படிக்கும் வழியறிந்தேன்.

முதலில் வைரஸால் பாதிக்கப்பட்ட பிளாப்பிமூலம் கணணியை ஆரம்பித்து வைரஸை இயக்கத்தில் இருக்குமாறு செய்துவிட்டு. வைரஸ் பாதித்த பிளாப்பியில் உள்ள பூட் செக்டாரை படித்து அதில் உள்ளவைகளை குறித்து வைத்துக்கொன்டேன். பிறகு வைரஸ் இல்லாத பிளப்பி மூலம் கணணியை ஆரம்பித்துவிட்டு மீன்டும் வைரஸ் பாதித்த அதே பிளாப்பியில் உள்ள பூட்செக்டாரை படித்துப்பார்த்தேன்.

(இந்நிரலை இயக்கும்பொழுது என் மனது பட பட வென அடித்துக்கொன்டது, ஒரே பிளாப்பியில் இருக்கும் பூட்செக்டாரில் உள்ளவைகள் வைரஸ் இருக்கும்போது ஒருமாதிரியாகவும் வைரஸ் இல்லாதபோது வேறுமாதிரியாகவும் இருப்பது சுவாரசியம் மிகுந்ததல்லவா? அதை நாமே செயல் முறையில் உணர்வது அதை விட சுவாரசியம் அல்லவா? மேலும் நான் நினைப்பது சரியா இல்லையா என்றும் தெரியாத நிலையில் அதைத்தெரிந்துகொள்ளப்போகும் தருனம் மிக்க சுவாரசியமாகப்பட்டது (இதைவிட சுவாரசியமான தருனங்கள் என் வாழ்வில் 3 முறை ஏற்ப்பட்டது). )

அதில் உள்ளவைகளை குறித்துக்கொன்டு முன்பு படித்த விவரங்களோடு (மூச்சுவிட மறந்து) ஒப்பிட்டுப்பார்த்தேன். வித்தியாசமாக இருந்தது. யுரேகா என்று கத்தவில்லை எனது மாணவர்களை அழைத்து அதை விளக்கினேன் அவர்கள் ஒன்றும் புரியாமல் ஒருவரை ஒருவர் பார்த்துக்கொன்டு நமட்டு சிரிப்பு சிரித்துக்கொன்டனர்.

உடனே செயலில் இறங்கி கீழ்கன்டவைகளை செயற்படுத்தினேன்.

1). ஒரு பிளாப்பி NewBug வைரஸால் பாதிக்கப்பட்டதா? என்று கன்டுபிடிக்க:
ஆந்த பிளாப்பியின் பூட் செக்டாரில் குறிப்பிட்ட அந்த ( NewBug வைரஸ் சம்பதப்பட்ட) விவரங்கள் இருந்தால் NewBug வைரஸால் பாதிக்கப்பட்டது என்றாகும்.

2). அதை எப்படி நீக்குவது?
பாதிக்கப்பட்ட அந்த பிளாப்பியின் பயன்படுத்தப்படாத வேறொரு செக்ட்டாரில் வைரஸ் இல்லாத பூட் பகுதி இருக்கும். அதை படித்து, வைரஸ் பாதித்த அந்த பூட்‍செக்டாரின் மேலெழுதிவிடவேன்டும்.

3). வைரஸ் இயக்கத்தில் உள்ளபோது கன்டுபிடிக்க முடியாதே அப்பொழுது என்ன செய்வது?
கணணியின் நினைவகத்தில் குறிப்பிட்ட அந்த ( NewBug வைரஸ் சம்பதப்பட்ட) விவரங்கள் இருந்தால், வைரஸ் இயக்கத்தில் உள்ளது என்றறிந்து வைரஸ் இல்லாத பிளாப்பி வழியாக கணியை ஆரம்பிக்க அறிவுறுத்தி எச்சரிக்கை செய்தி வெளியிடலாம். (கணணியின் நினைவத்தில் உள்ளவைகளி படித்து சோதிக்க மற்றும் மாற்றியமைக்க GWBASIC மொழியில் PEEK மற்றும் POKE கட்டளைகள் பயன்படுத்தப்படுகின்றன.

எனது வைரஸ் நீக்கி பற்றி அடுத்து பார்ப்போம்.

தொடர்ச்சி இங்கே (எனது VAV மற்றும் VVN வைரஸ் நீக்கிகள்)

விஜய் கம்ப்யூட்டர்ஸ் உசிலம்பட்டி (பாகம் 4)

(இதைப்படித்து விட்டு இங்கே வரவும் (என‌து முத‌ல் க‌ண‌ணிப்ப‌ணி)

கணணிப்பயிலகம் ஆரம்பிக்க நினைத்து உடனே செயற்படுத்தினேன். மதுரை யில் உள்ள SSI நிறுவனத்திடம் நாற்ப்பத்தைந்தாயிரம் ரூபாய் கடன் வாங்கி, ஒரு சிவா பெர்சனல் கணனி 64கே நினைவகம், இரண்டு 360கே பிளாப்பிடிரைவ், வெள்ளை த்திரை, செர்வோ யூபிஎஸ், 80 காலம் எப்சன் டாட்மாட்ரிக்ஸ் பிரின்டர், 4 டெஸ்க் மற்றும் பென்ச் அனைத்தும் வாங்கி உசிலம்பட்டியில் உள்ள சங்கராமூர்தியா பிள்ளை தெரு வில் கனரா வங்கிக்கு அருகில் 800 ரூபாய் மாதவாடகை பிடித்து விஜய் கம்ப்யூட்டர்ஸ் ஆரம்பித்துவிட்டேன். வகுப்புகள் பேசிக், போர்ட்ரான், கோபால், மற்றும் டிபேஸ்3. மூன்றுமாத பயிற்சி 700 ரூபாய்க்கட்டனம் என்று ஆரம்பித்தாகிவிட்டது. ஆரம்பித்த புதிதில் 5 பேர் வந்து படித்தனர், அவர்களும் புரிந்த்துகொள்ள மிகக்கடினமாக இருக்குன்னு சொல்லி பாதியில நின்றுவிட்டர்கள் பிறகு உசிலம்பட்டியில் இருக்கும் பள்ளிகளுகெல்லாம் சென்று தலைமை ஆசிரியர்களை சந்தித்து மாணவர்களிடம் சொல்லசொன்னேன், அவர்களும் ஆதரவளித்தார்கள் விஜய் கம்ப்யூட்டரில் மாணவர்கள் கூட்டம் அலை மோதியது. குறிப்பாக உசிலம்பட்டியில் உள்ள S.D.A பள்ளியிலிருந்து நிறைய மாணவர்கள் வந்து படித்தனர். எப்படியோ வரவுக்கும், பராமரிப்புக்கும் சரியாகத்தான் போய்க்கொன்டிருந்தது.

அப்பொழுதுதான் எனது சித்தப்பா சங்கர‌பான்டி (விக்கிரமங்கலம் ஊரில் மெடிக்கல்ஸ் வைத்திருக்கின்றார்) அவர்கள் தனது மெடிகல் கடையின் கணக்குப்பதிவினை கணணியில் போட்டுத்தரும்படி கேட்டார். அவருக்காக COBOL நிரலில் ஒரு கணக்கு மென்பொருள்தயார்செய்து அவரது கணக்குபதிவுகளைபோட்டு பேரேடுகள், லாபநட்ட கணக்கு மற்றும் ஐந்தொகை தயார்செய்து கொடுத்தேன். அதுக்கு 300 ரூபாய் கொடுத்தார். பிறகு அதையே FOXPRO வில் தாரித்து உசிலம்பட்டியில் இருக்கும் V.K.S.பிஸ்கட் நிறுவணத்துக்கு 7000 ரூபாய்க்கு விற்றேன். SOFT ENTRY என்ற பெயர் கொன்ட அந்த மென்பொருள் உன்மையில் TALLY package ஐ விட எளிமையான முறையில் பயன்படுத்தும் வகையில் இருந்தது. தினக்குறிப்புகளை மட்டும் பதிந்தால் போதும் அதுவே அனைத்து இடங்களிலும் பதிவுசெய்து பேரேடு, லாபநட்ட கணக்கு மற்றும் ஐந்தொகை கணக்கு அனைத்தும் உடனே தயாராகிவிடும். இதனை கேள்விப்பட்டு உடனே உசிலம்பட்டியில் இருக்கும் பெரீஸ் பிஸ்கெட் நிறுவனம், S.M.S.R உர நிறுவனம், கண்மார்க் ஊறுகாய் நிறுவனம் அனைவரும் இம்மென்பொருளை வாங்கி உபயோகித்தனர்.

பெரீஸ் பிஸ்க்கெட் நிறுவன உரிமையாளர் திரு.பெரீஸ் மகேந்திர வேல் அவர்கள் என்மீது நம்பிக்கை வைத்து நிறையா வாயிப்புகள் கொடுத்தார். அனைத்தையும் வெற்றிகரமாக முடித்தேன். அவரது வியாபார தொடர்புகள்மூலம் நிறைய வாய்ப்புகள் வந்தன.

கணக்குப்பதிவுமட்டுமல்லாமல் சரக்கிருப்பு பராமரிப்பு, விற்பனை போன்ற மென்பொருள்களும் தயாரித்து விற்ற ஆரம்பித்தேன், நன்றாக விற்பனையானது. மெதுவாக மதுரை, தேனி, பெரியகுளம், தின்டுக்கல், திருநெல்வேலி ஆகிய ஊர்களிலும் விற்பனை செய்தேன்.

இடையே உசிலம்பட்டியில் உள்ள S.D.A பள்ளியில் பகுதி நேர கணணி ஆசிரியர் வேலைக்கு வரும்படி கேட்டனர் மாணவர்களிடையே விஜய் கம்புயூட்டஸ் க்கு நல்ல‌ பெயர் வரும் என்று என்னி சரி என்று சேர்ந்துவிட்டேன். மாணவர்களுக்கு செய்முறை வகுப்பில் செயல் கொடுக்க சரியான மென்பொருள் இல்லாத காரனத்தினால் நானே எளிமையான வினா எழுப்பி பதில்வாங்கி சரியா தவறா என்று சொல்லும் மென்பொருள் தயாரித்தேன் அதை மாணவர்களுக்கு செயல்முறை வகுப்பில் கொடுத்தேன், பள்ளியின் முதல்வர் ஜான்சன் அவர்கள் அதைபார்த்து இதைப்போலவே இன்னும் நிறைய செய்யசொன்னார் இதேவகையில் எழு வித்தியாசமான மென்பொருட்க்கள் செய்து அதை 500 ரூபாய்க்கு அதே பள்ளியில் விற்றேன். பிறகு அதையும் பள்ளிகளில் 4500 ரூபாய்க்கு விற்க ஆரம்பித்தேன், நல்ல அமோகமான வரவேற்பு இருந்தது. டாஸ் ஆபரேடிங் முறையில் இயங்கும் அந்த மென்பொருட்களானது டர்போ பேசிக் மற்றும் டர்போ பாஸ்கல் மூலம் உருவாக்கப்பட்டது ஆகும். வின்டோஸ் புழங்கப்படாத அந்த காலத்தில் எனது மாணவர்களுக்கான் மென்பொருட்கள் மதுரை மாவட்டத்தின் பள்ளிகளுக்கிடையே மிகவும் பிரசித்தம். ஏதாவது பள்ளியில் புதிதாக கணணி வாங்குகிறார்கள் என்றால் நான் அங்கே சென்றுவிடுவேன், விற்பனை நிச்சயம்.
இதைத்தொடர்ந்த்து பள்ளிகளுக்கு சம்பளப்பட்டியல் தாயாரிக்கும் மென்பொருள் செய்து தரும்படி உசிலம்பட்டி நாடார் சரஸ்வதி மேல் நிலை பள்ளி யிலிருந்து கேட்டர்கள் செய்து கொடுத்தேன் அதைத்தொடர்ந்து உசிலை T.E.L.C. மகளிர் மேல்நிலைப்பள்ளியிலும் கணணிவாங்கி எனது மென்பொருட்களை உபயோகித்தனர்.

1993ம் வருடம் உசிலம்பட்டியில் பெரும்பாலான நிறுவனங்கள், பள்ளிகளில் எனது மென்பொருட்ட்களை உபயோகித்து கணணிகளை முழுவீச்சில் உபயோகித்துக்கொன்டிருந்தனர். அந்த காலக்கட்டத்தில் தமிழ்நாட்டிலேயே வைத்து வியாபரத்தலங்களில் கணனி முழுஅளவில் உபயோகப்படுத்தப்பட்ட இடம் உசிலம்பட்டி கிராமமாகும் அது எனக்கு பெருமையாக இருந்தது.

ஒருநாள் மதுரையில் உள்ள ஒரு பள்ளியின் தாளாளரிடம் எனது மென்பொருட்களை பற்றிய செய்முறை விளக்கத்துக்காக அனுமதி வாங்கியிருந்தேன். நீன்டநாட்களாக கேட்டிருந்த எனக்கு மனமிறங்கி ஒருநாள் ஒதுக்கினார். அதற்கு முந்தியநாள் செய்முறை விளக்கத்துக்கான டிஸ்க்குகளை தயார் செய்துகொன்டிருந்தேன். செய்துமுடித்ததும் இயக்கிப்பார்த்தேன் எதுவுமே இயங்கவில்லை. குழப்பமாகி வேரு ஒரு பிளாப்பியில் தாரித்துப்பார்த்தும் இயங்கவில்லை கணனியில் பழுதா இல்லை மென்பொருள் நிரலில் தவறா இல்லை பிளாப்பி யில் பழுதா என்று குழம்பிவிட்டேன். சரி மாலையில் பார்த்துக்கொள்ளலாம் என்று விட்டுவிட்டேன். ஆனால் எனக்கு அப்பொழுது தெரியாது எனது கணணி ப்பாதையின் திசை அன்றைய மாலைப்பொழுதில் புரட்டிப்போடப்பட போகிறது என்று. ஆமாம் எனது வாழ்கைத்தொழிலின் போக்கு அன்றிரவு புரட்டிப்போடப்பட்டது.

தொடர்ச்சி இங்கே (வைரஸுடனான முதல் அனுபவம்)

என‌து முத‌ல் க‌ண‌ணிப்ப‌ணி (பாகம் 3)

(இதைப்படித்து விட்டு இங்கே வரவும் ( நான் க‌ண‌ணியால் ஈர்க்க‌ப்ப‌ட்ட‌ க‌தை)

BDPS பயில‌க‌த்தில் க‌ண‌ணிப்ப‌யிற்சியை முடித்த‌வுட‌ன் என்ன‌ செய்வது என்று தெரிய‌வில்லை. சென்னை சென்று ச‌ப‌ரி க‌ம்ப்யூட்ட‌ர்ஸ் பயிற்சிய‌க‌த்தில் வேலைத்தேடி சென்றேன் அனுப‌வ‌மில்லைன்னு சொல்லிய‌னுப்பிவிட்டார்க‌ள். BDPS க‌ண‌ணி ப‌யிற்சியின்போது த‌மிழ்நாடு அரசாங்க‌த்தினால் ந‌ட‌த்த‌ப‌ட்ட‌ COBOL, BASIC ம‌ற்றும் FORTRON பாட‌ங்க‌ளுக்கான‌ சான்றித‌ழ் தேர்வு எழுதி தேர்ச்சிபெற்று இருந்தேன் அத‌னால் அப்பொழுது இந்திய‌ன் ர‌யில்வே துறையின் க‌ண‌ணி டேட்டா என்ட்ரி வேலைக்கான‌ எழுத்து தேர்வுக்கு ச‌ன்டிகார் வ‌ரும்படி அழைப்பு வ‌ந்திருந்த‌து. யாருடா சொந்த‌ ரூபாய் செல‌வு செய்து இவ்வ‌ள‌வு தூர‌ம் சென்று தேர்வு எழுதுவ‌துன்னு போகாம‌ல் விட்டு விட்டேன்.
சொந்த‌ உசில‌ம்ப‌ட்டியிலேயே க‌ண‌ணி வேலைவாய்ப்புக்கான‌ அதிர்ஷ்ட‌ம் என்னை தேடி வ‌ந்த‌து. ஆமாம் எங்க‌ள் ஊரில் உள்ள‌ ம‌ருந்துப்பொருட்க்க‌ளை மொத்த‌ விற்ப‌னை செய்யும் நிறுவ‌ன‌ம் த‌ன‌து பில் போடும் தேவைக‌ளுக்காக‌ க‌ண‌ணி வாங்கி வைத்திருந்தார்க‌ள். அத‌னை க‌வ‌னிக்கும் பொறுப்புக்கு த‌குந்த‌ ஆள் தேவைப்ப‌ட்டு அத‌ன் உரிமையாள‌ர் திரு வினாய‌க‌ மூர்த்தி அவ‌ர்க‌ள் என்னைத்தேடி வ‌ந்த்தார்க‌ள். உசில‌ம்ப‌ட்டி மீனாட்சி மெடிக‌ல் மார்ட் நிறுவ‌ன‌த்தில் மாத‌ம் 400 ரூபாய் ச‌ம்ப‌ள‌த்துக்கு உட‌னே சேர்ந்துவிட்டேன்.

அப்பொழுது ம‌துரை மாவ‌ட்ட‌த்திலேயே முத‌ன்முத‌லாக‌ க‌ண‌ணியை ஒரு சிறிய‌ வ‌ணிக‌த்த‌ல‌த்துக்கு ப‌ய‌ன்ப‌டுத்திய‌ முத‌ல் நிறுவ‌ன‌ம் உசில‌ம்ப‌ட்டி யில் உள்ள‌ மீனாட்சி மெடிக‌ல் மார்ட் ஆகும். ம‌துரை ந‌க‌ரில் கூட‌ யாரும் ப‌ய‌ன் ப‌டுத்திய‌து இல்லை அந்த‌ப்பெருமையை உசில‌ம்ப‌ட்டி கிராம‌ம் த‌ட்டிச்சென்ற‌து. அந்த‌ கால‌க‌ட்ட‌த்தில் ம‌துரை அதிர்ஷ்ட‌ம் ப‌த்திரிக்கை ம‌ற்றும் திருச்சியில் ஒரு ம‌ருந்துப்பொருள் நிறுவ‌ன‌ம் ம‌ட்டுமே க‌ண‌ணியை ப‌ய‌ன்ப‌டுத்திக்கொன்டு இருந்த‌‌து.

MegaByte நிறுவ‌ன‌த்தின் Fact-Finder model ஆன‌ அந்த‌க்க‌ண‌ணி பிராச‌ச‌ர் (8 பிட்) ம‌ற்றும் CombiDos என்ற‌ CP/M ஆப‌ரே‌டிங் வ‌கையைச்சேர்ந்த‌து.

அப்ப‌ழுது எல்லாம் MicroSoft நிறுவ‌ன‌ம் பிர‌ப‌ல‌மே இல்லை. பில்கேட்ஸ் அவ‌ர்க‌ள் ComiDos ஆப‌ரேட்டிங்க்கு MBasic என்ற‌ BASIC interpretor எழுதிக்கொடுத்து பிழைப்பை ஓட்டிக்கொன்டு இருந்தார்.

அந்த‌ க‌ண‌ணியில் வேலை நேர‌ம் போக‌ DBase-II ம‌ற்றும் MBasic ஆகிய‌வைக‌ளில் ப‌யிற்சி எடுத்து என‌து அறிவுப்ப‌சிக்கு தீணி போட்டுக்கொன்டிருந்தேன். ப‌சி அட‌ங்க‌வில்லை. இடையிலே மீனாக்ஷிமெடிக‌ல் மார்ட் வேலையை விட்டுவிட்டு சித‌ம்ப‌ர‌ம் சென்று என‌து பெரிய‌ப்பா வீட்டில் த‌ங்கி இருந்து அன்னாம‌லை ப‌ல்க‌லைக‌ழ‌க‌த்தில் வேலை தேடினேன். அங்கு க‌ண‌ணி துறையின் பேராசிரிய‌ர் நாக‌ப்பா என்னை நேர்முக‌த்தேர்வுக்கு வ‌ர‌ச்சொல்லி தேர‌வில்லை என்று சொல்லிவிட்டார்.

மீன்டும் மீனாட்சி மெடிக‌ல் மார்ட் இல் வேலைக்கு சேர்ந்தேன். 1991 ம் வ‌ருட‌ வாக்கில்தான் நாமே சொந்த‌மாக‌ க‌ண‌ணி வாங்கி ப‌யிற்சிய‌க‌ம் ந‌ட‌த்தினால் என்ன‌ என்று யோச‌னை வ‌ந்த‌து.

இதன் தொடர்ச்சி இங்கே (விஜய் கம்ப்யூட்டர்ஸ் உசிலம்பட்டி)

சிறிய‌ அள‌விளான‌ க‌ண‌ணி நிர‌ல்

சிறிய‌ அள‌விளான‌ க‌ண‌ணி நிர‌ல்
(how to create small binary executable without the compiler)

க‌ண‌ணி நிர‌ல்க‌ள் C, C++ அல்ல‌து PASCAL மொழிக‌ளின் மூல‌ம் உருவாக்கிட‌ அத‌ற்கென‌ க‌ம்பைல‌ர்க‌ள் தேவை VC++ ம‌ற்றும் DELPHI போன்ற‌ நிர‌லாக்கிக‌ள் இத‌ற்கென‌ ப‌ய‌ன் ப‌டுத்த‌ப்ப‌டுகின்ற‌ன‌. நிர‌லாக‌த்தின்போது நாம் எழுதிய‌ உய‌ர்நிலை மொழி நிர‌ல்க‌ள் இய‌க்க‌த்த‌க்க‌ வ‌கையிலான‌ பைன‌ரி நிர‌ல்க‌ளாக‌ மாற்ற‌ப்ப‌டும். அதைத்தான் நாம் இய‌க்கிப்பார்க்க‌முடியும்.

உதார‌ண‌த்துக்கு C++ மொழியில் உருவாக்க‌ப்ப‌ட்ட‌ myprogram.cpp என்ற‌ நிர‌ல்‍பைலான‌து myprogram.exe என்ற‌ பைன‌ரி பைலாக‌ உருவாக்க‌ப்ப‌டும். myprogram.exe பைலை நாம் இய‌க்கிப்பார்க்க‌லாம்.

மிகச்சிரிய‌ அள‌வினாலான‌ பைன‌ரி நிராலை எப்ப‌டி எளிதாக‌ உருவாக்குவ‌து என்று பார்ப்போம்.

அசெம்பிளி மொழியில் உருவாக்க‌ப்ப‌டும் நிர‌க‌ளின் அள‌வு சிறிய‌தாக‌வே இருக்கும். வின்டோஸ் இய‌க்க‌த்தினுட‌ன் வ‌ரும் DEBUG.EXE என்ற‌ நிர‌லாக்க‌த்தின் மூல‌ம் எப்ப‌டி ஒரு 23 பைட் அள‌விலான‌ பைன‌ரி இய‌க்க‌ நிர‌லை உருவாக்க‌லாம் என்று பார்ப்போம்.

Start->Run மூல‌ம் Run வின்டோவிற்கு வ‌ந்து CMD என்று டைப் செய்து டாஸ் வின்டோவுக்கு வ‌ர‌வும்.


debug என்று டைப்செய்ய‌வும் கீழ்க‌ன்ட‌வாறு வ‌ரும்.

c:\>debug
-

பிற‌கு a100 என்று டைப்செய்ய‌வும் கீழ்க‌ன்ட‌வாறு வ‌ரும்

c:\>debug
-a100
0BA2:0100

பிற‌கு mov dx,10b என்று டைப் செய்ய‌வும், கீழ்க‌ன்ட‌வாறு வ‌ரும்

c:\>debug
-a100
0BA2:0100 mov dx,10b
0BA2:0103

பிற‌கு கீழ்க‌ன்ட‌வைக‌ளை வ‌ரிசையாக‌ டைப் செய்ய‌வும்
c:\>debug
-a100
0BA2:0100 mov dx,10b
0BA2:0103 mov ah,9
0BA2:0105 int 21
0BA2:0107 mov ah,4c
0BA2:0109 int 21
0BA2:010B db "hello world$"
0BA2:0117

db "hello world$" க்குஅடுத்து என்டர் கீ அழுத்திய‌ பின் xxx:0117 ல் வெறுமென‌ இன்னொரு என்ட‌ர் கீ அழுத்த‌வும்.

c:\>debug
-a100
0BA2:0100 mov dx,10b
0BA2:0103 mov ah,9
0BA2:0105 int 21
0BA2:0107 mov ah,4c
0BA2:0109 int 21
0BA2:010B db "hello world$"
0BA2:0117
-

அடுத்து rcx என்று டைப் செய்ய‌வும்.

c:\>debug
-a100
0BA2:0100 mov dx,10b
0BA2:0103 mov ah,9
0BA2:0105 int 21
0BA2:0107 mov ah,4c
0BA2:0109 int 21
0BA2:010B db "hello world$"
0BA2:0117
-rcx
cx 0000
:

இங்கு 17 என்று டைப் செய்ய‌வும்

-rcx
cx 0000
:17

அடுத்து nc:\smallpgm.com என்று டைப் செய்ய‌வும்.

-rcx
CX 0000
:17
-nc:\smallpgm.com

அடுத்து w என்று டைப் செய்ய‌வும்.கீழ்க‌ன்ட‌வாறு வ‌ரும்

-rcx
CX 0000
:17
-nc:\smallpgm.com
-w
Writing 00017 bytes
-

அடுத்து q என்று டைப் செய்ய‌வும்.

dibug லிருந்து வெளி வ‌ந்திட‌லாம். DIR c:\*.com எ என்று க‌ட்ட‌ளை கொடுத்தால் 23 பைட் அள‌விலான‌ நிர‌ல் உருகி இருப்ப‌தை பார்க்க‌லாம்.


அதை இய‌க்க‌ c:\smallpgm என்று க‌ட்ட‌ளை கொடுத்தால் அது இய‌ங்க‌ப்பெற்று "hello world" திரையில் வ‌ருவ‌தைக்கான‌லாம்.

விள‌க்க‌ம்

DOS க‌ட்ட‌ளை 21 ம‌ற்றும் ச‌ர்வீஸ் 9 ஆன‌து எழுத்து வ‌ரிக‌ளை திரையில் கான்பிக்க‌ ப‌ய‌ன் ப‌டுகிற‌து.

0BA2:0100 mov dx,10b - dx எழுத்து வ‌ரியின் முக‌வ‌ரி (கீழே பாருங்க‌ள் 010B என்ற‌ முக‌வரியில் "hello worல்ட்$" இருப்ப‌தைக்கான‌லாம்.)
0BA2:0103 mov ah,9 - ah ச‌ர்வீஸ்
0BA2:0105 int 21 - dos க‌ட்ட‌ளை

DOS க‌ட்ட‌ளை 21 ம‌ற்றும் ச‌ர்வீஸ் 4c ஆன‌து நிர‌லை முடிக்க‌ ப‌ய‌ன் ப‌டுகிற‌து.

0BA2:0107 mov ah,4c -
0BA2:0109 int 21
0BA2:010B db "hello world$"


rcx
எத்த‌னை பைட்க‌ள் பைன‌ரி பைலில் எழுத‌ப்போகின்றோம் என்று சொல்லுகிறோம். நாம் 17 என்று கொடுத்தோம் 17 என்ற‌ hex எண்ணின் த‌ச‌ம‌ ம‌திப்பு 23 ஆகும். அதாவ‌து 23 பைக‌ள் எழுத‌ப்போகிறோம் என்று சொல்லியிருக்கின்றோம்.

nc:\smallpgm
பைன‌ரி பைல் c:\smaalpgm என்ற‌ இட‌த்தில் இருக்கும‌டியாக்க‌ சொல்லுகிறோம்.


w
பைன‌ரி பைலை எழுத‌ச்சொல்லுகிறோம்

ச‌ந்தேக‌ங்க‌ளை கேட்க‌வும் ம‌கிழ்வுட‌ன் காத்திருக்கின்றேன் க‌ளைய‌

நான் க‌ண‌ணியால் ஈர்க்க‌ப்ப‌ட்ட‌ க‌தை. (பாகம் 2)

(இதைப்படித்து விட்டு இங்கு வரவும் (என்னைப்ப‌ற்றி)

நான் க‌ண‌ணியால் ஈர்க்க‌ப்ப‌ட்ட‌ க‌தை.

நான் ம‌துரை, நாக‌மலை புதுக்கோட்டை யில் உள்ள‌ வெள்ளைச்சாமி நாடார் க‌ல்லூரியில் B.Com ப‌டித்துக்கொன்டிருந்தேன், ப‌டிப்பு என்றால் ச‌ராச‌ரிப்ப‌டிப்புத்தான் ச‌ராச‌ரி அரிய‌ர்களுட‌ன் க‌ல்லூரிப்ப‌டிப்பு முடி‌ந்த‌து. தேறாத‌ கார‌ண‌த்தால் M.Com., படிக்க‌ முடிய‌வில்லை. த‌ந்தை ந‌ட‌த்தி வந்த‌ முக‌மைத்தொழிலில் ஐக்கிய‌மாக‌ ம‌ன‌ம் இட‌ம் கொடுக்க்வில்லை. ம‌துரையில் என‌து க‌ல்லூரி ந‌ன்ப‌ர்க‌ளுட‌ன் சுற்றி க‌ல‌க்கிய‌ சந்தோஷ‌மான‌ த‌ருன‌ங்க‌ளை இழ‌க்க‌ விரும்ப‌வில்லை என்ன‌ செய்வ‌து என்று யோசித்தேன்.

என‌க்கு அறிவிய‌ல் எழுத்தாள‌ர் திரு சுஜாதா அவ‌ர்க‌ளின் எழுத்துக்க‌ள் நிர‌ம்ப‌ப்பிடிக்கும் அவ‌ர‌து நாவ‌ல்க‌ள் ம‌ற்றும் அறிவிய‌ல் க‌ட்டுரைக‌ளை விரும்பிப்ப‌டிப்பேன் அப்ப‌டித்தான் அவ‌ர‌து சிலுக்கான் சில்லுப்புர‌ட்சி புத்த‌க‌த்தை வாசிக்க‌ நேர்ந்த‌து. க‌ண‌ணிமேல் காத‌ல் பிற‌ந்த‌ முத‌ல் கார‌ண‌ம் இதுதான். அதே நேர‌த்தில் ம‌துரையில் உள்ள‌ BDPS என்ற‌ க‌ண‌ணி ப‌யிற்சிய‌க‌த்தின் விள‌ம்ப‌ர‌மும் நாழித‌ழ்க‌ளின் பார்த்தேன்.

ம‌துரையின் ச‌ந்தோஷ‌மான‌ த‌ருன‌ங்க‌ளை தொட‌ர‌ அருமையான‌ ச‌ந்த‌ர்ப்ப‌ம் என்று என்னி ம‌துரையில் ச‌க்தி சிவ‌ம் தியேட்ட‌ர் க்கு அருகில் உள்ள‌ BDPS ப‌யில‌க‌த்தை பார்த்து வ‌ர‌ச்சென்றேன். க‌ண‌னி அதிக‌ம் புழ‌ங்கியிராத‌‌ அந்த‌க்கால‌த்தில் PDPS பயில‌க‌த்தில் க‌ண‌ணிக‌ளை பார்த்த‌வுட‌ன் மெய்ம‌ற‌ந்தேன்.

க‌ண்ணாடி அறையில் வ‌ரிசையாக‌ 4 க‌ண‌னிக‌ளை வைத்திருந்த‌ன‌ர். ப‌ச்சைப்பாஸ்ப‌ர‌ஸ் திரைக‌ளில் க‌ன்ன‌டித்துக்கொன்டிருந்த‌ க‌ர்ஸ‌ர் அத‌ன் முன்னால் கீபோர்டுட‌ன் விளையாடிக்கொன்டும் இருந்த‌ மாண‌வ‌ மாண‌விய‌ர்க‌ள், குளிரூட்ட‌ப்ப‌ட்ட‌ அறையின் குளுமை, வாச‌னை, குளிர்சாத‌ன‌த்தின் உர்ர்ர்ரென்ற‌ உறும‌ல் ம‌ற்றும் நிச‌ப்த்தின் இடையான‌ கீபோர்டை த‌ட்டும் ச‌ப‌த்த‌ம் ம‌ட்டும். இவைக‌ளை க‌ன்ட‌வுட‌ன் என‌து ம‌ன‌ம் முடிவுசெய்துவிட்ட‌து இதை ப‌டித்தே தீர‌வேன்டுமென்று. மூன்றுமாத‌ ப‌யிற்சிக்க‌ட்ட‌ன‌ம் 700 ரூபாய், என்ற‌ முறையில் என‌து COBOL வ‌குப்பு ஆர‌ம்ப‌மாகிய‌து. மேட‌ம் காவ்யா அவ‌ர்க‌ள்தான் எங்க‌ள் ஆசிரியை.

தின‌மும் இரும‌ணி நேர‌ம் பாட‌ம் அப்புற‌ம் ஒரும‌ணி நேர‌ம் செய்முறைவ‌குப்பு. அந்த‌ ஒரும‌ணிநேர‌ செய்முறை வ‌குப்புக்காக‌ நாள்முழுதும் ஏங்கி காத்துக்கிட‌ப்பேன். COBOL நிர‌லாக்க‌த்தின் சூட்சும‌ங்க‌ள் என‌க்கு எளிதில் புரிந்த‌ன‌. அப்பொழுதே BDPS ப‌‌யில‌க‌த்தில் முத்திரை ப‌திக்க‌ துவ‌ங்கிவிட்டேன்.

பள்ளி ம‌ற்றும் க‌ல்லூரிக்கால‌ங்க‌ளில் க‌ணித‌ம் த‌விற‌ ம‌ற்ற‌ பாட‌ங்க‌ளெல்லாம் என்க்கு வேப்ப‌ங்காய்தான். க‌ணித‌த்திலும் தேற்ற‌ங்க‌ள் ம‌ற்றும் அல்ஜீப்ரா என‌க்கு மிக‌வும் பிடித்தமான‌து ஆகும். த‌ர்க்க‌ரீதியிலான‌ நோக்குட‌ன் விடை க‌ன்டுபிடிக்கும் வித்தைக‌ள் கொன்ட‌ மென்பொருள் நில‌ராக்க‌ம் என‌க்கு பிடித்துப்போன‌தில் விய‌ப்பேதும் இல்லை.

BDPS ‌ப‌யில‌க‌த்தில் வித்தியாச‌மான‌ ம‌ற்றும் பெரிய‌ அள‌விளான‌ க‌ண‌ணி நிர‌ல்க‌ளை செய்து குறிப்பிடும்ப‌டியான‌ பெய‌ர் பெற்றேன்.

அத‌ன்பிற‌கு அங்கேயே BASIC ம‌ற்றும் DBASE-II நிர‌லாக்க‌ங்க‌ளை க‌ற்றுத்தேர்ந்தேன்.

அப்பொழுதெல்லாம் க‌ண‌ணி ப‌ற்றிய‌ புத்த‌க‌ம் வாங்க‌ காசு இருக்காது, ஆக‌வே ம‌துரையில் உள்ள‌ ச‌ர்வோத‌ய‌ இல‌க்கிய‌ ப‌ன்னை, ம‌ல்லிகை ம‌ற்றும் ஹிக்கின் பாதாம்ஸ் புத்த‌க‌க்க‌டைக்கு சென்று புத்த‌க‌ம் பார்க்கும் சாக்கில் ப‌டித்து, முக்கிய‌மான‌வைக‌ளை ப‌ஸ் டிக்கெட்டில் பிட் எழுதி கொன்டு வ‌ருவேன்.

ம‌துரை ச‌க்தி சிவ‌ம் தியேட்ட‌ருக்க‌ருகில் உள்ள‌ BDPS ‌ண‌ணி ப‌யில‌க‌த்தில் நான் ப‌டித்த‌போடு அங்கு ப‌ணியாற்றிய‌வ‌ர்க‌ள்.

மேலாள‌ர் ம‌ணி
உத‌வி மேலாள‌ர் ர‌‌வி

ஆசிரிய‌ர்க‌ள்
1). மேட‌ம் காவ்யா (ம‌துரை காம‌ராச‌ர் ப‌ல்க‌லை க‌ழ‌க‌த்தின் நூல‌க‌த்தில் ப‌ணிச்ய்து வ‌ன்தார்)
2). பிரேம் ச‌ந்த் (மேட‌ம் காவ்யாவுட‌ன் காத‌ல் திரும‌ன‌ம் செய்து, ம‌துரையில் க‌ண‌ணி விற்ப‌னைய‌க‌ம் ந‌ட‌த்தி வ‌ந்தார்)
3). ர‌ங்க‌ராஜ‌ன் ( பிற‌கு ம‌துரையில் க‌ண‌னி ப‌யில‌க‌ம் ந‌ட‌த்திவ‌ந்தார்)
4). பிர‌தீப், நாக‌ம‌லைப்புதுக்கோட்டை (PDPS இல் ப‌டித்து அங்கேயே ப‌ணியாற்றினார். மிக‌ திறைமைசாலியான‌ இவ‌ர் பிற‌கு நாக‌ம‌லை புதுக்கோட்டையிலேயே க‌ண‌ணிப்ப‌யில‌க‌ம் ந‌ட‌த்தி வ‌ந்தார் , நான் ஜ‌ப்பானுக்கு கிள‌ம்பிய‌ நேர‌த்தில் சென்னைக்கு ந‌க‌ர்ந்து வ‌ந்தார் அத‌ன்பிற‌கு தொட‌ர்பு இல்லை, (தொட‌ர்பபு கொள்ள‌ ஆவ‌ல்)


என்னுட‌ன் PDPS ப‌யில‌க‌த்தில் ப‌டித்த‌வ‌ர்க‌ள்

1)டி.டி என்ற‌ழைக்க‌ப்ப‌டும் திரும‌லைச்சாமி, ஒட்ட‌ன்ச‌த்திர‌ம்
2). ச‌ர்புதீன் (சிங்க‌ப்பூர் க்கு சென்றுவிட்டார் அவ‌ர‌து மாமா யானைக்க‌ல்லில் ப‌ழ‌ ஏஜ‌ன்ட்)
3). சோமு என்ற‌ழைக்க‌ப்ப‌டும் சோம‌சுந்த‌ர‌ம்
4). வில்லிய‌ம்ஸ், தின்டுக்க‌ல் (இவ‌ருட‌ன் நிறைய‌ தின்டுக்க‌ல் மாண‌வ‌ர்க‌ள் ப‌டித்த‌ன‌ர், தின‌மும் ர‌யில் மூல‌ம் ம‌துரைக்கு குழாமாக‌

வ‌ந்துபோவ‌ர், இவ‌ர்தான் அந்த‌ குழுவுக்கு த‌லைவ‌ர், பிறகு தின்டுக்க‌ல் PDPS ப‌ப‌யில‌க‌த்தின் மேலாள‌ராக‌ இருந்தார்)
5). மோக‌ன் (ம‌துரை ர‌யில்வே கால‌னியிலிருந்து வ‌ந்தார் பிற‌கு ம‌துரை ர‌யில் நிலைய‌ க‌ண‌ணி அலுவ‌ல‌க‌த்திலேயே ப‌ணி செய்தார்).
(பிரேம், வாசு ம‌ற்றும் ல‌ட்சும‌ன‌ன் இவ‌ர்க‌ளும் ர‌யில்வே கால‌ணியை சேர்ந்த‌வ‌ர்க‌ள்)
இன்னும் நிறைய‌பேர் ப‌டித்த‌ன‌ர் பெய‌ர் ஞாப‌க‌ம் இல்லை

தொடர்ச்சி இங்கே ( என‌து முத‌ல் க‌ண‌ணிப்ப‌ணி )

என்னைப்ப‌ற்றி (பாகம் 1)

நான் ம‌துரை மாவ‌ட்ட‌ம் உசில‌ம்ப‌ட்டி கிராம‌த்தில் பிறந்து வ‌ள‌ர்ந்த‌வ‌ன். 1993 க‌ளில் உசில‌ம்ப‌ட்டியில் க‌ண‌ணிப்ப‌யில‌க‌ம் ந‌ட‌த்திவ‌ந்திருந்தேன். அந்நாட்க‌ளில் நான் த‌யாரித்து ச‌ந்தைப்ப‌டுத்திக்கொன்டிருந்த‌ மென்பொருட்க‌ள் தென் த‌மிழ்நாட்டிட்ல் பிர‌ப‌ல‌மாக‌ இருந்தது. வ‌ணிக‌ க‌ன‌க்கு ப‌திவிய‌ல், ச‌ர‌க்கிருப்பு மேலான்மை, குழ‌ந்தைக‌ள் ப‌யிலும் மென்பொருட்க‌ள் போன்ற‌வைக‌ள் ப‌ர‌வ‌லாக‌ இருந்த‌து. நான் தயா‌ரித்து அளித்த‌ வைர‌ஸ் நீக்கும் மென்பொருள் மிகவும் பிர‌ப‌ல‌மாக‌ இருந்த‌து. அந்நாட்க்க‌ளில் "த‌மிழ் க‌ம்ப்யூட்ட‌ர்" இத‌ழில் நிறைய‌ க‌ண‌னி குறித்த‌ க‌ட்டுரைக‌ள் எழுதியிருக்கின்றேன். கால‌ ஒட்ட‌த்தில், சென்னைக்கு ந‌க‌ர்ந்து பிறகு ஜ‌ப்பான் நாட்டுக்கு சென்று த‌ற்பொழுது அமெரிக்கா நாட்டில் ப‌ணியாற்றி வ‌ருகின்றேன்.

நல்லதொரு படிப்பு என்பது படிப்பை முடித்தவுடன் நல்ல வேலை கிடைக்க மட்டுமே பயன் படுகின்றது. வேலைக்குள் சேர்ந்தபிறகு எல்லா இழவுமே ஒன்றுதான்.

முதல் 6 மாத காலத்துக்கு நீங்கள் கண்கானிக்கப்படுவீர்கள், அதற்க்குள் எத்துனை ஆர்வமாக இருக்கின்றீர்கள் மற்றும் வேலையை கற்றுக்கொள்கின்றீர்கள் என்பதைப்பொறுத்துதான் உங்கள் பணி வாழ்க்கையின் தலைவிதி நிர்னயிக்கப்படுகின்றது. அதன்பிறகு எந்த அளவுக்கு உங்கள் தலைமை அதிகாரியின் பொறுப்புகளை மற்றும் வேலை-அழுத்தத்தை குறைக்கின்றீர்கள் , எந்தாளவுக்கு உங்கள் வேலையினை நேசிக்கின்றீர்கள், என்பதை பொறுத்தே பணி மற்றும் சம்பள உயர்வு கிடைக்கின்றன,

உசிலம்பட்டி கிராமத்தின்,சராசரி படிப்புக்கும் கீழான, B.Com தேறாத மற்றும் தொரச்சியாக 3 வார்த்தைகள் ஆங்கிலத்தில் பேசத்தெரியாத என்னை வெற்றிகரமாக உலக நாடுகளில் பணியாற்றி, IIT தங்கப்பதக்கம் வாங்கிய மாணவர்கள்கூட எனக்குக்கீழே வேலை பார்க்கும் அளவுக்கு முன்னேற்றியது ஆர்வமும், திறமை மட்டுமல்ல, நேரமும் தான்.

இவையெல்லாம் விட நல்லோர்கள் மனதார செய்த உதவியும்தான்.

என‌து க‌ணிப்பீட்டு வாழ்கையின் வ‌ள‌ர்ச்சிப்ப‌தைக்கு வ‌ழிகாட்டி உத‌வி செய்த‌தில் உசிலம்பட்டி மீனாஷி மெடிக்கல் மார்ட் உரிமையாளர் என் முதலாளி, திரு விநாயக மூர்த்தி

உசிலம்பட்டி பெரீஸ் பிஸ்க்கெட் நிறுவன உரிமையாளர்கள் திரு மகேந்திரவேல், மற்றும் அவரது சகோதரர். திரு பால சுப்ரமணியன்.

சென்னை பேராசிரிய‌ர் திரு டாக்ட‌ர் பெ.ச‌ந்திர‌போஸ் அவ‌ர்க‌ள்,

உசிலம்பட்டி V.K.S.பிஸ்கெட் உரிமையார் திரு V.K.S.சுப்பிரமணியன்.

உசிலம்பட்டி S.M.S.R.உரக்கடை உரிமையாளர் திரு S.M.S.R.சந்திரபோஸ்.

உசிலம்பட்டி கண்மார்க் ஊறுகாய் நிறுவனர் திரு செல்வராஜ்.

த‌மிழ் க‌ம்ப்யூட்ட‌ர்" த‌மிழ் க‌ண‌ணி இத‌ழ் ஆசிரிய‌ர் திரு ஜெய‌கிருஷ்ன‌ன் அவர்கள்

மற்றும் சென்னை கேசவன் கம்ப்யூட்டிங் நிறுவனர் திரு J.கேசவர்த்தனன் அவ‌ர்க‌ளும் பெரும்ப‌ங்கு வகித்தவர்க‌ள். அவ‌ர்க‌ளுக்கு என் மனமார்ந்த நன்றியைத் தெரிவித்துக்கொள்கின்றேன்.

தொடர்ச்சி இங்கே ( நான் க‌ண‌ணியால் ஈர்க்க‌ப்ப‌ட்ட‌ க‌தை.)